ഇൻസിറ്റു കൺസർവേഷൻ

ഇൻസിറ്റു കൺസർവേഷൻ

പഠന നേട്ടങ്ങൾ : 

• ജീവികളെ സംരക്ഷിക്കുന്നതിന് ആയിട്ടുള്ള വിവിധതരം സംരക്ഷണ സംവിധാനങ്ങളെ കുറിച്ചുള്ള അറിവ് ഉണ്ടാകുന്നു

• ജീവികളെ അവരുടെ തനത് ആവാസവ്യവസ്ഥയിൽ സംരക്ഷിക്കുന്നതിന്റെ ആവശ്യകത മനസ്സിലാക്കുന്നു

• വിവിധതരം ഇൻസിറ്റു കൺസർവേഷൻ സംവിധാനങ്ങൾക്ക് ഉദാഹരണങ്ങൾ നൽകുവാൻ സാധിക്കുന്നു

          

      

            ജൈവവൈവിധ്യ സംരക്ഷണം 

വർദ്ധിച്ചുവരുന്ന ജനസംഖ്യയും മനുഷ്യൻറെ പ്രകൃതിയിലേക്കുള്ള അനാവശ്യമായ കടന്നുകയറ്റങ്ങളും ജൈവവൈവിധ്യം നഷ്ടപ്പെടുന്നതിന് കാരണമാകുന്നു. ഭൂമിയിലെ ജൈവവൈവിധ്യം സംരക്ഷിക്കുന്നതിനായി വിവിധതരത്തിലുള്ള ജൈവ സംരക്ഷണ മാർഗങ്ങൾ ഉണ്ട്

1.ഇൻസിറ്റു കൺസർവേഷൻ 

ജീവികളെ അവരുടെ തനതായ ആവാസവ്യവസ്ഥയിൽ തന്നെ സംരക്ഷിക്കുന്നു

 2.എക്സിറ്റു കൺസർവേഷൻ

ജീവികളെ അവരുടെ ആവാസവ്യവസ്ഥയ്ക്ക് പുറത്ത് പുതിയ സംരക്ഷിക്കുന്നു

ഇൻസിറ്റു കൺസർവേഷൻ   സംവിധാനങ്ങൾ

1. വന്യജീവി സങ്കേതങ്ങൾ

• ആവാസി വ്യവസ്ഥകളെ സംരക്ഷിച്ചുകൊണ്ട് വന്യജീവികളുടെ വംശനാശം തടയാനായി പ്രഖ്യാപിക്കപ്പെട്ടിട്ടുള്ള വനമേഖലകൾ
• ഉദാ: പേപ്പാറ, പെരിയാർ,  വയനാട്

2. നാഷണൽ പാർക്കുകൾ

• വന്യജീവികളെ സംരക്ഷിക്കുന്നതിനോടൊപ്പം ഒരു മേഖലയിലെ ചരിത്ര സ്മാരകങ്ങൾ പ്രകൃതി വിഭവങ്ങൾ ഭൗമ സവിശേഷതകൾ എന്നിവ കൂടി സംരക്ഷിക്കുന്നതിനായി രൂപപ്പെട്ടിട്ടുള്ളത് ആണ് നാഷണൽ പാർക്കുകൾ
• ഉദാ: ഇരവികുളം, സൈലൻറ് വാലി, പാമ്പാടും ചോല

                             

3. കമ്മ്യൂണിറ്റി റിസർവുകൾ

• പൊതുജന പങ്കാളിത്തത്തോടെ സംരക്ഷിക്കപ്പെടുന്ന പ്രദേശങ്ങളാണ് കമ്മ്യൂണിറ്റി റിസർവുകൾ. ജനവാസകേന്ദ്രങ്ങൾക്കിടയിലെ പരിസ്ഥിതി പ്രാധാന്യമേറിയ പ്രദേശങ്ങളാണ് ഇവ.
• ഉദാ: കടലുണ്ടി കമ്മ്യൂണിറ്റി റിസർവ്

            

4. ബയോസ്ഫിയർ റിസർവുകൾ

• ലോകത്തിലെ പ്രധാനപ്പെട്ട ആവാസ വ്യവസ്ഥകളെയും ജൈവവൈവിധ്യത്തെയും ജനിതകസ്രോതസ്സുകളെയും സംരക്ഷിക്കുക എന്ന ഉദ്ദേശത്തോടെ സ്ഥാപിക്കപ്പെട്ട വിശാലമായ ഭൂപ്രദേശങ്ങളാണിത്.
• ഉദാ: നീലഗിരി, അഗസ്ത്യമല

     

5. എക്കോളജിക്കൽ ഹോട്ട്സ്പോട്ടുകൾ      

• തദ്ദേശീയമായ ധാരാളം സ്പീഷസുകൾ ഉൾക്കൊള്ളുന്നതും ആവാസനാശഭീഷണി നേരിടുന്നതുമായ ജൈവവൈവിധ്യം മേഖലകളാണ് ഹോട്ട്സ്പോട്ടുകൾ. 
• അതീവ പരിസ്ഥിതി പ്രാധാന്യമുള്ള ജൈവസമ്പന്ന മേഖലകളാണ് ഇവ.
• ഉദാ: പശ്ചിമഘട്ടം, വടക്കു കിഴക്കൻ ഹിമാലയം, ഇൻഡോ - ബർമ്മ.                     

      

ജൈവവൈവിധ്യം സംരക്ഷിക്കുന്നതിനു വേണ്ടി ഏറ്റവും ഫലപ്രദമായിട്ടുള്ള സംരക്ഷണ മാർഗ്ഗമാണ് ഇൻസിറ്റു കൺസർവേഷൻ. ഇൻസിറ്റു കൺസർവേഷൻ സംവിധാനത്തിൽ സംരക്ഷിക്കപ്പെടുന്ന ജീവിയോടൊപ്പം തന്നെ അതിൻറെ ആവാസവ്യവസ്ഥയും സംരക്ഷിക്കപ്പെടുന്നു.

Related Video

Insitu conservation ppt

Related Questions